Hanggang Kailan?

Ilang panahon na rin ang nagdaan,

kung iisipin, para bang kailan lang;

nung tayo ay huling nagkatabi

at mga palad nati’y nagkadampi,

kailan kaya kita muling makakasama?

Ilang panahon na ring naghihintay,

kung puwede nga lang sanang pabilisin

ang pag-ikot ng mundo.

Nananabik na mamasdang muli

ang ganda’t tamis ng iyong ngiti,

madugtungan pa kaya, ang mga lumipas na sandali?

Nguni’t parang habang ika’y inaabot,

e lalo ka namang napapalayo;

habang hinahabol ka’y tila lalong naglalaho

ang pag-asang magkakasama muli tayo.

Hanggang kailan maghihintay

na madama ang init ng pag-ibig mo?

Hanggang kailan maiinip

sa tagal ng iyong pagbabalik?

O kay tagal, umaasam, nangangarap

na tayo’y maging isang puso, sa harap ng Diyos.

Nguni’t parang ‘di na yata darating pa

o ang tagal, hanggang kailan pa ba?

Matagal na kong naghihintay,

sana ‘di mo, malimutan.

a Free Verse in Filipino
an Official Entry to the 2010 Carlos Palanca Awards for Literature
Copyright © May 2010 by Arnel Oroceo for CPMA 2010
All Rights Reserved, International Copyright Secured